黃心穎

Bob再遇黃「賓」穎 大讚對方肥咗又靚咗!

2016年農曆年初三阿Bob(林盛斌)去拜年時遇上一位外傭姐姐,個樣激似曬黑咗少少嘅黃心穎,當時佢即刻捉實對方狂影合照!相隔兩年,今年阿富Bob再次喺年初三拜年時遇到呢位菲律賓版心穎BB,當然又唔少得一輪合照留念,Bob仲留言大讚對方「肥咗又靚咗」!

今年初三Bob一家五口著到紅噹噹去拜年,同婆婆、父母、弟弟一家影大合照,之後又post出同菲版心穎嘅合照:「兩年冇見,菲律賓心穎BB肥咗又靚咗!」網友都話真係幾似,有網友仲擔心馬明會唔會認錯人㖭!

講句對白黎聽下?